「常威」鄒兆龍早排被指背老婆翁為德偷食，又幫小三洗底褲，同小三網上一輪「攻防戰」後，最終鄒兆龍喺微博認衰，話要向屋企人道歉。不過事後又極速刪文，真係分分鐘在變。

老公有難，到頭嚟都要老婆翁為德擺平，翁日前喺微博貼出手持聲明嘅相，堅稱有信心老公所做嘅事對得起自己，對得起家人。仲話自己同屋企三個仔女都會喺佢身邊支持佢。(新聞連結： http://bit.ly/2f7pBFm )

老婆發聲撐自己後近兩個禮拜，今日鄒兆龍終於再度更新微博，貼出用對腳高舉囡囡嘅相，而囡囡亦拗晒腰擺pose。鄒兆龍仲不忘喺張相畫粉紅心心，之後又喺個po貼多個心心。見鄒兆龍笑晒咁樣樣同囡囡晒溫馨，睇嚟已經開始淡忘偷食事件喎。