資深藝人丁羽的太太歐陽淑蘭上月十九日於睡夢中心臟病離世，享年六十九歲。丁羽今早抵達紅磡世界殯儀館，送亡妻最後一程。

曾志偉與陳惠敏等藝人到場致祭，丁羽亦親自迎接，志偉上前安慰丁羽叔，言談間，只見丁羽不禁拭淚，志偉逗留大約五十分鐘就離開。

同丁羽嫂熟稔的惠敏哥表示：「邵氏年代，佢化妝最叻，我好尊重佢，佢係化妝師祖，以前都有聯絡食飯，不過佢去得好快。」

至於丁羽指自己心情已經好好多，他說：「大哥大洪金寶、志偉佢哋百忙中抽空嚟，我老婆都走得好安樂，個個都好關心我老婆，不枉我喺呢行六十一年。」

談到丁羽嫂的遺願，丁羽表示：「佢希望仔女平平安安，佢服務咗電影界四十幾年，佢希望電影界再興旺啲，以前佢都成日為電影界做義工，佢走得好好，冇痛苦。」

問到為妻子揀選了什麼陪葬品？丁羽表示：「佢最鍾意嘅衫、鞋、首飾同耳環，而我、兩個仔、兩個女同新抱、女婿有寫信畀佢，希望佢一路好走。」