曾演出韓劇《奇皇后》、《五個孩子》嘅52歲資深女星朴海美，日前上咗TV朝鮮節目《人生紀錄My Way》，喺節目內大談婚姻往事，佢現任老公都有喺現場。

原來朴海美同現任老公結婚前曾經結過婚，朴海美喺節目上自爆「騙婚」，佢自爆：「老公同我結婚前根本就唔知道我離過婚，但係佢後嚟即使知道咗離婚，佢都一直守護我，我真係好感激。」

而朴海美嘅老公亦都直言結婚前除了唔知道老婆曾經結過婚外，就連老婆原來大佢9歲佢都唔知道，仲自爆呢啲事係後來錄製節目時先知道，朴海美老公話：「當時佢為咗令我得知呢啲事而將我帶到錄影現場，佢喺去錄影途中已不斷喊，我當時仲喺節目上同老婆承諾，一係就令佢成為大明星，一係就令佢同孩子有好日子過。」

更多韓流，喺晒《娛果》
http://fb.com/appledailyent