【賢仔Call馬】沈集成花心思部署 「行星夢」挑戰強敵（廖浩賢）
蘋果日報 2020/03/13 22:20
廖浩賢賢仔call馬行星夢
行星夢上仗初升第三班跑第四
周末（14日）沙田十場泥草地混合賽，記住開賽時間回復正常，頭場一點正開跑。騎師方面，雷神、何澤堯、梁家俊、潘明輝騎足十場，久未上陣的蘇狄雄今次亦有三駒列陣。
另外巴西四屆冠軍波健士崔護重來騎三個月，上次來港時間較短，結果未能贏馬，且看今次客串期較長，能否發揮出最佳水準。
第九場三班千二米草地，論近況演出，「極速王」今季無論在快活谷或沙田都交出理想成績，近兩仗分別輸畀「聚才」及「福逸」，都係一致公認之超班馬，今次只要面對一群三班二線馬，唯一要考慮孭133磅，其他狀態排檔都無問題。
「行星夢」係今場最不明物體，只跑過四次，前仗曾經操練上有甩漏下仍跑得好，上次初跑三班，極差際遇全程被頂出三四叠，結果仍跑第四，表現確實非常之好。
今次雖然由雷神換利敬國，但整套操練程序，包括配備變動方面，沈集成部署花過唔少心思。
此駒單跳用耳套，走過愚腦無睇頭，但當試閘用眼罩即灑開大步段段有，感覺大幅度進步，相信可以挑戰「極速王」，只有「行星夢」可以做到。
「星叻」由陳嘉熙換雷神，當然唔可以忽視。