維園年宵今日中午開鑼！年輕人創意無窮，浸大商合學會學生，借用「獅球嘜」賺油水賺到盤滿砵滿的意思，把檔名改為「雞球嘜」，設計多款二次創作的斜肩袋，圖案包括網上討論區著名icon「Sad Frog」公仔配以語句「窈窕淑女，供不應求」，再自行翻譯為趣怪英文；亦有「阿源」配以語句「我覺得自己係零」；更有「怪叫雞」配以語句「珍惜眼前人，莫摸活家禽」：「咪走雞」檔，由廿多名大學生合資4萬元，售賣自家設計的咕及雞公仔等。

檔主袁同學指設計只求開心，同時希望賺到2至3萬元，「RE-U（聚會）第一樣做嘅要分錢，所以要賺，我哋好有新一年目標，賣開心之餘要令自己開心」。

另一檔賣懷舊玩意毛公仔的城大學生，笑稱「表面賣公仔，實際賣開心」。他們主要賣「東南西北」及「太平天下」等毛公仔，「呢啲係小學回憶，好想經常有得玩返，我哋其實賣幾錢唔係重點，最重要開心」，高同學指，客人只要提出任何玩意，他們都會奉陪到底，玩得愈癲，得到愈高的折扣，可低至一折，「就算包剪揼都得，玩乜都得，但簡單的話，折就少啲，我哋只求開心」。