【巴黎直擊】謝霆鋒昨晚於巴黎欣賞Valentino時裝騷，而他一抵達巴黎先與經理人霍汶希（Mani）大擦海鮮餐，Mani在微博上載了兩張特大海鮮拼盤相片，並寫道：「多謝老闆霆鋒。」之後霆鋒便開始拍攝由他主持的飲食節目《12道鋒味》，有途人將他在餅店及書店的拍攝過程放上網。

此外，昨日Chanel騷吸引了徐濠縈、時尚名人Anna Della Russo與Rihanna等捧場，阿徐在巴黎逗留一星期，順度為時裝店入貨，後天便是阿徐的40歲生日，她透露將到名古屋跑馬拉松度過，她說：「生日嗰日會出發去名古屋跑馬拉松，我覺得有意義，又可以避開啲應酬。」因為纖瘦的身形，阿徐被嘲為「肯雅徐」，她笑說：「都好呀，又跑得又夠柴，我仲想跑多幾個城市，4月會去華盛頓，希望跑到大滿貫。」
林建岳千金林恬兒前晚現身Elie Saab秋冬騷，更與吳建豪太太石貞善（Arissa）結伴睇騷，記者恭喜恬兒今年完婚，她即尷尬表示：「恭喜佢至啱。」
採訪：梁錦雯