四年前一場佔領運動，香港急速分成藍、黃陣營；隨着梁落林鄭上，社會似乎開始變得諧和，但對建制派議員謝偉俊而言，新特首治下的香港，「平靜」只是表面風光，「而家係將啲嘢壓抑咗，唔知幾時又會爆發出來」，尤其港人對中央的猜忌，未見曙光；《基本法》23條立法來勢洶洶下，謝認為社會「休養生息」暫是較好出路，直言：「香港社會嘅養傷期，仲未過！」

記者 許偉賢

在現時零帳篷的添美道，當年營內年輕人盼望的民主路，仍然未到埗；在建制派內算與民主派「有偈傾」的謝偉俊憶述，當年在立法會外穿梭，「都有唔少年輕人流露唔太友善嘅眼神、甚至當我係敵人」，可想撕裂程度有多嚴重，其時他曾與自由黨田北俊及鍾國斌探訪營內絕食學生，「我自己四十歲時都仲比較有理想（曾與律師會抗爭），完全明白十零歲（對民主）好有理想，但社會絕對唔係純理想咁簡單，我一向支持溝通，當時知道有啲絕食學生病病哋，道義上都想去打招呼，了解多啲」。

當時絕食學生要求之一，是與特區政府對話，直接聽取年輕人意見；學生當年願望未達，四年過後對話空間有否擴充？謝偉俊坦言，近年見到特區政府嘗試更多接觸年輕人，聽取意見，但有些改變未必朝夕有改變，「例如諮詢組織唔可以只搵啲精英、富家子弟（做委員），應該由下而上咁去做，但確實係不容易」。

雖然社會這年來似乎歸於平靜，但謝偉俊相信，暫被掃在地氈底的怨氣，隨時再有爆發的危機，「爆發源頭可能係：（人大8.31政改框架下）政制仲有冇向前行嘅空間？管治有冇汲取教訓，盡可能畀多啲自由市民、多啲畀佢哋發表意見？再加埋經濟、居住上嘅種種問題」。

他以高鐵「一地兩檢」安排為例，指本來一件「簡單的事」，卻有不少猜忌，加上中央在佔運後予人管治上「揸緊咗」之感，「條紅線又緊咗」，而部份涉及佔領行動、旺角騷亂及取消議員資格等案件尚未有裁決，所以市民對中央的猜忌，「仍在混沌摸索階段」；至於社會如何可在8.31框架下向前行，減少質疑，他坦言未見出路，「到底係要中央對香港嘅信心大咗，先可以令8.31框架放鬆，抑或要中央自己鬆，先可以同香港有個互動？似乎未有適當方向，恐怕仲係膠着狀態」。

在港人對中央猜忌未除之際，坊間開始有不少聲音力迫政府要為《基本法》23條立法，杜絕「港獨」問題。對於「港獨」爭議，謝偉俊不諱言，「啲水而家積喺度，你如果去整啲牆去圍住佢，唔知幾時又會爆發」，他認為現時最重要仍然是疏導，指香港社會暫應休養生息，「如果有時夾硬嚟，未必可以達到目的」。

立會補選新聞，《蘋果》一網睇晒
http://bit.ly/appledaily1125