【吳君麗逝世】羅蘭兩個月前曾見面 謝雪心:好突發,唔係一路都有病
羅蘭謝雪心Joe Junior吳君麗逝世
謝雪心、羅蘭、Joe Junior聯同JW王灝兒、胡鴻鈞等,今日到柴灣出席港台照亮長者活動。
對於粵劇名伶吳君麗逝世,羅蘭姐表示:「啱啱Joe Junior話俾我聽呢個消息,兩個月前仲喺宴會地方見過佢,都冇乜嘢,要好好珍惜每一天。」Joe Junior就表示:「今年見過麗姐兩次,仲好開心冇嘢,上年生日會佢都有嚟,聽到呢個消息好唔開心。」至於謝雪心,她表示知道李奇峰曾經入病房探望麗姐:「事情係好突發性。(係乜病?)家人唔講,我哋都唔好講,唔係一路都有病,係好突然,短短兩個月嘅事。對上一次同麗姐合作係保良局一百一十周年紀念活動 ,已經好耐之前,我哋合演《鳳閣恩仇未了情》。」
JW在活動上會同Joe Junior合唱英文歌,能夠跟前輩合作,JW表示雖然緊張、但亦覺得好榮幸。11月JW會在海洋公園開騷,主題講女生代言人,到時候可能會分享自己感情事。
至於在活動上跟謝雪心合唱《萬水千山總是情》的胡鴻鈞表示,兩人早前合作拍劇日日相見,今日有重遇感覺。近日胡鴻鈞正拍攝一套青春喜劇,面對對手劉佩玥及朱智賢,胡鴻鈞笑言:「好嘈,搞到有啲職業性失聰。」更表示今次劇中有好多第一次,例如動作、跑跳、打鬥等,雖然角色造型好立體,但就不用騷肌:「之前都露過股啦,獻醜不如藏拙,露得多就唔矜貴。」
JW跟Joe Junior合唱英文歌,她表示覺得好榮幸。
胡鴻鈞正拍攝一套青春喜劇,他表示劇中的角色造型好立體