「青蛙思想保守，不思進取，坐井觀天，是負能量，而癩蛤蟆思想前衛，想吃天鵝肉有遠大目標，是正能量。」呢段文字曾經喺經網上流傳，其實青蛙同俗稱癩蛤蟆嘅蟾蜍，性格係咪有分別，就冇人知，但係外觀就絕對唔同。

蟾蜍外型呈橢圓，大部分耳後有毒腺，分泌毒液，背部顆粒凹凸不平，經皮膚接觸嘅話對人體無害，不過，如果誤當青蛙食落肚嘅話，就可能會中毒。而蟾蜍自然脫落嘅皮膜即係中藥材蟾衣。蟾蜍四肢粗短，前肢比較發達，有助爬行，雖然係陸地生活，但就要喺水中產卵，雄性會以叫聲吸引雌性，蟾蜍卵會喺水中發育成蝌蚪。

青蛙皮膚比較光滑同濕潤，俗稱田雞嘅虎皮蛙，就係青蛙嘅其中一個品種，青蛙四肢纖細，後肢較發達，擅於跳躍，動作較蟾蜍敏捷，有任何風吹草動，青蛙會迅速跳開，蟾蜍則相反。兩者都屬於兩棲動物，天敵同樣係蛇。

你敢爆，我敢獎！ 即Call《蘋果》24小時爆相爆片熱線 ：63836568