【惡搞無極限】經典表哥蛙式漫遊 港姐冠軍雷莊𠒇被玩埋一份

蘋果日報 2017/09/04 19:16

惡搞陳山聰二次創作姚子羚表哥雷莊
    近排大台播緊嘅劇集《同盟》，雖然都係一般嘅槍戰追車等老土戲碼，但係今日就先唔講劇情，反而要講一下網民嘅「二次創作」究竟有冇極限？
    話說大台劇集《同盟》有一場姚子羚被擒之後喺貨車同啲敵人大打出手嘅戲碼，本身呢場戲嘅睇頭就緊係姚子羚騷腿踢腳嘅場面啦，只不過身為網民改圖「愛將」嘅「表哥」圖，網民今次又點會放過，不過估唔到嘅係網民嘅創意真係無極限，一場簡簡單單嘅車廂打戲都可以變成「表哥蛙式漫遊記」，由一踢腿開始，姚子羚就由車廂踢到入宇宙，一路踢腿就一路飛，後尾仲潛埋入海，夠晒抵死。
    而打鬥戲最後就係陳山聰追到貨車，一開門就見到姚子羚冇事，而網民連文戲都唔放過，以為踢腿環遊完就算啦，點知一開門，經典嘅「表哥」又再次出現係眼前，而山聰都冇得幸免要齊齊變臉。呢段片流出咗4日，今日先有網民po上facebook，引起大家關注。
    本身都以為就咁完，點知網民又有新搞作，噚晚新鮮出爐嘅港姐冠軍雷莊𠒇（Juliette）都成為咗惡搞對象，噚晚即有網民將佢得獎環節上嘅畫面重點放大，喺佢棚牙，仲抵死到當Juliette合埋口時棚牙會收番埋，當笑容一展現時，棚牙又被放大。
    empty
    empty
    身為網民改圖「愛將」嘅「表哥」。（互聯網圖片）
    empty
    《同盟》有一場姚子羚被擒之後喺貨車同啲敵人大打出手嘅戲碼。（互聯網圖片）
    empty
    本身呢場戲嘅睇頭就緊係姚子羚騷腿踢腳嘅場面啦。（互聯網圖片）
    empty
    一場簡簡單單嘅車廂打戲都可以變成「表哥蛙式漫遊記」。（互聯網圖片）
    empty
    一腳上太空。（互聯網圖片）
    empty
    （互聯網圖片）
    empty
    「深海，潛入最深追逐確與眾不同。」（互聯網圖片）
    empty
    宇宙大爆炸都有埋。（互聯網圖片）
    empty
    表哥再現。（互聯網圖片）
    empty
    陳山聰都走唔甩。（互聯網圖片）
    empty
    噚晚新鮮出爐嘅港姐冠軍都成為咗惡搞對象。（互聯網圖片）
    empty
    網民將噚晚喺節目畫面重點放大佢棚牙。（互聯網圖片）