講起滲漏，係女士都會有啲棹忌，但68歲嘅新民黨主席葉劉淑儀就好open，出埋粉紅banner加埋一滴血，惹嚟唔少人無限聯想，但查實佢只不過係搞樓宇滲漏講座，滲漏同佢本人無任何關係，都唔知點解大家會想入非非。之不過咁，佢呢張banner確實成功，滲漏到底要點補救？當然包括要抽水，估唔到屋宇署喺抽水方面，都有出色表現。

屋宇署今日喺Facebook出po，話「樓sir都大大力支持樓宇要keep fit做好保養呀，杜絕滲漏、裂紋、石屎剝落等問題，咁就可以住得安心啦～」。突然間點解出個滲漏po？睇下hashtag「樓宇唔保好易老」、「樓宇滲漏講座」等，試問點會唔關葉劉事？再睇埋佢哋幅粉紅色兼有滴血嘅圖，大大隻字寫明「滲漏 No More」，心中有數嘞啩。有網民留言「乜嘢水都抽乾，仲點會滲漏！」，另有人乘勢叫屋宇署整個新吉祥物「驗樓淑儀」，唔知葉劉會唔會自動獻身？