搣時潘開live直播,好多網民cap晒片,根據網上流傳片段,搣時潘問男網友「你準備好未?你又話一齊拍攝嘅。」身形肥胖嘅男網友話「你玩你玩,你哋兩個玩。」其間胖男答應除衫,在場有人仲出動皮帶鞭打床褥、打胖男手板10幾下;又除低右腳涼鞋,要求胖男有感情地舔鞋底。玩到咁大,有網民報警,差人去到酒店房見胖男唔在場,一度叫搣時潘打電話畀佢了解事件,但最終拉咗三人。警方話三人涉嫌喺酒店房拍攝不雅影片被捕。有大狀話,原本酒店房係私人地方,但如果網上直播畀公眾睇到,有機會犯法,罪成最高可判監七年。
點解搣時潘要玩呢個網友?據連登仔版本,因為有男網友疑似透過手機通訊App,出錢邀約搣時潘去酒店作不道德行為,仲講粗口侮辱女方,所以搣時潘「應邀」反擊,不過網民大多唔撐佢哋,覺得玩過火。
李八方