張繼聰同李佳芯(Ali)今日喺銅鑼灣皇室堡出席活動，同現場觀眾玩遊戲兼唱歌，阿聰表示今年喺工作上有更多新嘗試，佢話：「尤其係電影同網劇上，有好多演員以前從未合作過，包括胡杏兒同阿Sa。」

太太謝安琪日前生日，阿聰就好Sweet咁向太太送上笑話，佢話：「囡囡o依家即將一歲，正踏入電兔階段，每晚我返屋企就要陪佢放電，放兩三個鐘頭先肯瞓覺。」

阿聰話記得囡囡出世時正拍緊劇，好彩經過呢段時間好好咁感培養感情，呢段父女戀終於修成正果：「阿女同我同太太都相處得好好，平時佢笑嘅時候就會叫爸爸，喊嘅時候就會叫媽媽，我覺得佢都對我哋都公平。」阿聰又話照顧囡囡之餘亦唔可以冷落囝囝：「所以平時一有時間就要車去練波。」

至於Ali見到阿聰家庭樂，會唔會有衝動早日做媽媽？佢話：「我啱啱拍完《BB來了》，經歷到由完全未接觸過小朋友到熟晒手，但真係要做媽媽就一步步嚟，暫時工作行先。」近來拍緊劇會唔會冷落男朋友陳炳銓？佢話：「如果真係冷落嘅都冷落咗一段時間，OK嘅大家成年人，我哋亦都有共識唔需要日日見面。」但早前有報道指男友撻著趙碩之，Ali話：「據我所知嗰啲係舊相，當時做完嘢送人返屋企，至於係咪真撻著你就要問番當時人，我對佢好有信心，So Far我哋都好好，間唔中有呢啲報道都幾得意，為我哋平淡嘅生活增添情趣。」

精選娛聞，喺晒《娛果》
http://fb.com/appledailyent