中國國家隊今日作客曼谷拉查孟加拉球場，與泰國國家隊拍跳，同時亦為隊長，37歲的鄭智第100次為中國隊上陣。結果在滂沱大雨下，中國隊靠武磊梅開二度，以2:0擊敗泰國，近兩場友誼賽全勝。

過去中泰兩軍交手，最為人深刻應為5年前，中國主場以1:5大敗予當時以青年軍為主力的泰國，亦令西班牙藉主帥金馬曹下台。今仗開賽前，大陸不少傳媒亦提起此場比賽，更以復仇為目標。中國隊今仗除了有老將鄭智外，亦有今季大勇的武磊任正選，更派出了如黃紫昌，朴成等新兵，而泰國隊幾位外流球員如中場猜拿迪普桑格辛、前鋒鄧達，及門將卡雲等悉數上陣。開賽初段兩軍互有攻守，但戰至34分鐘，中國前鋒肖智把握對手後防解圍失誤，呈單刀射門，被對手門將卡雲撲出，但伏兵尾柱的武磊成功執雞，射成1:0。

其後開始下起大雨，球賽更因此遲遲未能再開，球場亦出現嚴重積水，終在約40分鐘停頓後開始下半場。下半場開初泰國隊佔盡優勢，其中猜拿迪普桑格辛禁區左輔位起腳，前鋒施耶甘禁區頂起腳，亦一一被中國門將顏駿凌化解。終在74分鐘，武磊把握泰國隊空群出擊，左路引球擺大位起腳，省中泰國守衛入網，終以2:0完場。

--------------------
《體蘋果》陪你睇波講波
https://www.fb.com/appledailysports
--------------------
王道日本足球手機遊戲《BFB CHAMPIONS 2.0》，日本國家隊實名登場！ http://bit.ly/2xrTKGM