唱得之人張敬軒，噚晚就喺香港大學，接受英國倫敦音樂學院頒發嘅榮譽音樂碩士學位，成為首個得到嘉許嘅香港歌手。軒仔自言今次獲頒碩士學位，對自己係一個好大嘅榮耀，希望將來靠真材實料考獲學位

今日軒仔就晒出證書同埋上台攞證書嘅相，佢就留言話：「感謝天父！感謝公司上下、家人和朋友的支持和鼓勵！亦要感謝各位歌迷的祝福和愛。讚美、榮耀歸神！」而佢亦係繼5月獲法國北歐大學頒授「榮譽商管博士」後，再次獲得音樂碩士學位，以表揚佢喺音樂上嘅成就同貢獻。