日前陪小朋友在街場踢衞生波時，其中一位細路整傷膝頭，即時過去了解情況。雖然佢傷口唔算好大，但血還是係咁流，而小朋友見自己啲血好似無break，開始有啲驚，問身邊嘅人，會唔會有危險。
我就安慰佢話，其實傷口唔算好深，只要止到血，問題唔大，稍為休息一段時間，等個傷口埋晒口，就可以繼續踢波。人體內嘅血液，百分之六十係水，當中有啲鹽、蛋白質同一啲水溶性嘅脂肪！
血漿入面有數以億計嘅粒子，經由血管將養份送到千億個身體細胞，而血液裏面嘅紅血球主要負責補給工作，佢會先嚟到身體肺部，吸入新鮮氧氣，然後將氧氣經動脈送到細胞當中，細胞一邊將氧氣拎走，一邊將工作所需嘅原料，好似脂肪等吸收過嚟。