下星期一（23日）係咩日子？就係特區政府搞嘅「稅務新方向高峰會」，或者大家覺得呢啲高峰會成日都有，冇乜特別，但呢個高峰會卻有特首林鄭月娥大駕光臨親自聽意見，八方聽聞各問責官員都「獲鼓勵」出席，可見幾咁獲當局高度重視。

唔少商會代表都係座上客，立法會商界一議員林健鋒亦會有演講，而對於林健鋒嚟講，呢個高峰會別具意義，皆因當日係佢66歲生日，估唔到要以壽星佬角色代商界發聲，包括重提將利得稅率減至15%嘅建議。

唔知當日佢會唔會喺呢方面，收到生日大禮？但佢嘅黨友如張華峰同梁君彥等等就好有心，提早喺今日同佢切蛋糕慶生，祝佢「鋒」收年年。