民主派表達傾向唔赴會意向後，中聯辦至今未有再發佈宴請詳情，八方聽聞政務司司長張建宗對此「大和解」飯局好上心，曾私下勸說民主派出席，大讚西環舉動破天荒，王志民好有心云云，估唔到連非添馬艦事務，張建宗一樣咁着緊，唔知呢次出口會唔會令佢喺阿爺心目中加分，避過任滿前被特首林鄭月娥叮走危機？
睇番6年前，政圈流傳時任中聯辦主任張曉明想回請議員，點知走漏風聲見光死，之後社會撕裂，回請不了了之；而王志民去年4月應邀出席立法會午宴後，形容同泛民議員傾得「很不錯」，但過去一年中央對港政策紅線越收越緊，唔知今次嘅回請party，有幾多民主派畀面？