地產多聲道：長實、新世界鬥快起樓
蘋果日報 2004/04/14 08:00
新世界55b區（圖）有近千四伙，同長實調景嶺站上蓋三千七百幾伙，今年都有機會開賣，到時有排鬥。- 新世界55b區有近千四伙，同長實調景嶺站上蓋（圖）三千七百幾伙，今年都有機會開賣，到時有排鬥。
- 新地代理商場市務副總經理何力天（右二），與事務襄理馮翊琳（左二），及商場大使，會去內地搞活動，宣傳旗下商場五一黃金周優惠。
- 賣歐洲概念的宇晴軒二期，睇樓送立體模型（前），夠噱頭。後為售樓書。
將軍澳呢幾年都係供應重災區，區內有樓賣嘅發展商就認真煩，唔怪得新世界與長實投到嘅地鐵上蓋項目，即第55b區及調景嶺站上蓋，中標一段時間，都只丟空喺度。
不過，最近大家就不約而同動工起樓。無他，區內一手樓已經賣得七七八八，樓價又急升，梗係快啲起，早啲賣樓套現化算啦！
兩個項目齊齊動工，賣樓花時間可能會好接近，今年應該可以推售，邊個會好賣啲呢？好快就揭盅。兩個盤夾埋有成五千一百二十二個單位，睇嚟，呢區有排熱鬧。
新地上廣東截客
內地居民紛紛趁五一黃金周出外旅遊，香港係其中一個熱門地點，自由行客消費力驚人，所以本港商場大業主，都想盡辦法招徠。
新地就派人到廣州與珠海兩地搞活動，宣傳旗下六個主要商場五一黃金周優惠。
過去周末，喺廣州搞活動，重請咗香港DJ與時裝設計師做嘉賓；今個禮拜六日移師去珠海。除咗搞活動，新地重會寄出十萬份直銷郵件，畀廣州、深圳、珠海、中山同上海嘅高收入人士，同埋喺粵京滬嘅旅行社，派發小冊子及播放宣傳短片。
不過，最近大家就不約而同動工起樓。無他，區內一手樓已經賣得七七八八，樓價又急升，梗係快啲起，早啲賣樓套現化算啦！
兩個項目齊齊動工，賣樓花時間可能會好接近，今年應該可以推售，邊個會好賣啲呢？好快就揭盅。兩個盤夾埋有成五千一百二十二個單位，睇嚟，呢區有排熱鬧。
內地居民紛紛趁五一黃金周出外旅遊，香港係其中一個熱門地點，自由行客消費力驚人，所以本港商場大業主，都想盡辦法招徠。
新地就派人到廣州與珠海兩地搞活動，宣傳旗下六個主要商場五一黃金周優惠。
過去周末，喺廣州搞活動，重請咗香港DJ與時裝設計師做嘉賓；今個禮拜六日移師去珠海。除咗搞活動，新地重會寄出十萬份直銷郵件，畀廣州、深圳、珠海、中山同上海嘅高收入人士，同埋喺粵京滬嘅旅行社，派發小冊子及播放宣傳短片。
赤柱富豪海灣二期，又再賣多三間洋房，每間作價五千萬，聽落好似冇乜特別，但箇中別有內情！買家原來係老友記。
三間喺復活節假期賣出嘅洋房，分別係A25、A26同A27號屋，頭一間四二二三呎，其餘兩間各四二一七呎，每呎一萬一千八百幾蚊，三個買家都係廠商，都喺內地設廠，而且重識得㖭！今次買屋，目的諗住自住兼投資，所以要搵個大家可以做隔籬鄰舍嘅樓盤，先至齊齊入市。
唔單只豪宅盤用歐洲概念做包裝，上車盤長沙灣宇晴軒二期，長實與新地同樣以歐洲概念做題材，發展商話，今個月內會開放全新示範單位，到時重會向睇樓人士大派立體歐洲建築物模型，加強樓盤形象。
發展商噚日向傳媒展示三款模型，全部都係法國著名建築物，例如一講就知嘅巴黎聖母院。長實郭子威話，今次準備派三萬套模型，每周一款。
除咗模型，長實噚日首度派發售樓書，不過書內就唔見平面圖呢啲買家想知嘅資料，但有好多相，將宇晴軒夜景，跟巴黎鐵塔下嘅夜景媲美；將宇晴軒享有近地鐵交通優勢，同法國子彈火車相提並論。
蘭西
電郵地址：