【新增鄭英振IG留言】

曾出演港產片《桃色》嘅42歲變性人河莉秀噚日驚爆同結婚十年嘅老公鄭英振離婚，韓媒指鄭英振因生意失敗，加上兩人性格差異，令二人離婚收場。

離婚消息爆出後，河莉秀噚日有喺Instagram否認因鄭英振生意失敗而離婚，更揚言要對留惡評嘅網民採取法律行動。未知是否受離婚一事影響心情，河莉秀似乎瞓唔着，直到今日清晨佢喺Ig上載一張托頭沈思相，又留言做個好夢，似乎佢都太多嘢煩，成晚都瞓唔到。

另外，喺河莉秀晒相後，前夫鄭英振亦喺IG剖白離婚心境，表示會起訴惡意留言網民，並為河莉秀護航：「呢一切都係我嘅問題，因為事業經常出差、未能常常見面、冇好好照顧家庭，呢一切都係我嘅責任，鬧我都冇所謂，唔好怪河莉秀，10年間我哋彼此尊重、相愛，一直為我加油嘅河莉秀，係比任何人都相信我嘅女人。」鄭英振又指兩人離婚前充分地進行過談話，先係分居，又指雙方依家都有新對象，而佢同河莉秀要守護佢哋，並祝福河莉秀。