張崇德同劉美娟早前一齊加盟剛剛復播嘅dbc數碼電台，劉美娟主持嘅節目叫《三個女人半邊天》，而張崇德就搵埋哥哥張崇基一齊主持音樂節目《繾綣星光下》。又要做主持又要湊仔女，但劉美娟都好享受咁忙碌嘅生活：「因為一星期要主持六日節目，對好耐冇做嘢嘅我嚟講都係大挑戰，自己都要對子女進行輔導，因為佢嘅好唔習慣我要出去做嘢，成日問我點解日日都要去做嘢，我要不停解釋等佢哋明白。」