當年今日
關於我們

【評論學會頒獎禮】最佳男演員劉俊謙敢言談感受 籲毋忘初心

蘋果日報 2020/03/05 16:57

劉俊謙香港電影評論學會大獎

第二十六屆「香港電影評論學會大獎」,早前公佈得獎名單,今日下午3點在藝術中心舉行頒獎禮,由於近日肺炎疫情肆虐,大會不想聚集太多人群,故不招待傳媒進場採訪,進行閉門式頒獎禮,並於網上直播整個過程。
頒獎禮一開始主持劉偉恒表示,大會安排酒精搓手液予嘉賓使用,而每位得獎者上台講感受後,工作人員會即上前換咪。會長卓男致詞時說︰「今日非常多謝大家,多謝頒獎嘉賓莊澄先生,喺呢個疫情肆虐下嚟到。經歷咁多個月,作為評論人我哋要好珍惜,可以繼續發言。祝大家身體健康,百毒不侵。」
今次憑《叔‧叔》首次獲最佳男演員的太保,得獎時他說︰「非常感謝評論學會,當我知道嗰晚瞓吓醒吓,開心到天光,我自己就好似人生一樣有高有低,最後我好感謝我太太。」至於跟太保同時獲得男演員的《幻愛》劉俊謙說︰「好多謝大會,因為疫情下好多嘢都cancel咗,你哋依然舉行頒獎係好開心。」除了感謝台前幕後人員外,他亦多謝女朋友兼拍檔蔡思韵,以及家人。他覺得近年多了不少本土社會關注的題材和新一代演員,「似乎一個新嘅開始展開咗,我自己攞呢個獎唔係我個人嘅成功,而係新一代開始起來,唔單止新一代演員,香港嘅新一代年青人起來啦,我哋唔知會點樣走好困難,但喺呢個處境中,希望我哋展開新嘅一頁,唔好忘記創作嘅初衷,唔好忘記作為一個人嘅初心。」
同樣憑《幻愛》一片獲最佳女演員的蔡思韵,她說︰「我第一部主演嘅電影,就畀咗好大鼓勵我,多戲劉俊謙,你係一個好好嘅對手,感謝喺天上嘅爸爸,我好想同媽咪講,我攞到呢個獎,可以令你感到驕傲。」
《叔‧叔》獲最佳電影,由導演楊曜愷負責領獎,他表示以這個題材,好難令人留意,除演員演得好,有獎項亦令人會關注。至於獲最佳導演由《少年的你》的曾國祥奪得,他親自到場領獎︰「多謝投資方及團隊,感激嘅人有好多,冇諗到一部合拍片,可以喺香港攞獎,我始終喺香港電影圈長大。」黃綺琳憑《金都》獲最佳編劇,因不在港出席大阪電影節,故由電影公司代表領獎,她表示非常高興,這是《金都》第一個編劇獎。
-----------------------------
第三屆最港電影大獎
按此立即投票
-----------------------------
《果GYM》隨身播  健身壹App過!
empty
得獎的男女演員劉俊謙、蔡思韵和太保。
empty
獲最佳導演的曾國祥(右三)。
empty
眾人大合照。