韓劇《太陽的後裔》女星宋慧喬去年同男星宋仲基結婚，早前喬妹已投入新劇《男朋友》拍攝工作，劇集預計11月開播。而噚日正正係喬妹老公宋仲基嘅33歲牛一，唔知喬妹有冇向劇組請假，同老公慶祝婚後首個生日呢？

《男朋友》將會到海外取景，到時喬妹就會與同劇男主角朴寶劍一齊飛到外地進行拍攝，而今早就有網民捕獲朴寶劍喺機場拍攝外景，只見朴寶劍着上類似冬裝嘅服裝進行拍攝，網民指現場都有見到喬妹，不過就未能成功拍照。

另外，喬妹代言嘅護膚品牌雪花秀亦都公開喬妹最新廣告照。

精選韓流，喺晒《娛果》
http://fb.com/appledailyent