朱係朱璇BB,苟係苟芸慧(苟姑娘),近日被指係郭富城同熊黛林(Lynn)嘅第三者,仲同Lynn爆發「苟熊大戰」,搞出連串是非,苟姑娘連日來被傳媒追訪,今日佢同朱璇化身「朱苟配」,到灣仔出席活動,原定活動係下午1點舉行,但大會就安排兩人於1點45分先蒲頭。
捲入「小三」風波嘅苟姑娘,狀態欠佳勁跌Watt,著裙嘅苟姑娘上台時,粗臂象腿無所遁形,真係脹爆﹗相比起身穿白色低胸裙兼以烈焰紅唇亮相嘅朱璇BB,苟姑娘真係好肥,合照時更加相形見絀,苟姑娘明顯肥過朱璇BB至少1.2倍,女神形象幻滅呀﹗
兩女上台俯身切生果時,都不經意露事業線,但苟姑娘就似「奶媽」多啲啵,而朱璇BB近來因演出多部劇集而人氣急升,狀態大勇,而佢亦唔吝嗇美好身段,好Sexy呀﹗