邵音音、方伊琪、譚日康同區偉麟等今日喺觀塘為明年1月初假麥花臣場館舉行音樂會進行排舞，方伊琪先跟區偉麟等人排練《舊歡如夢》，接着音音姐跟譚日康大跳Cha Cha，見音音姐舞步純熟，跳到臨尾更捱身埋譚日康再踢腳，活力十足。

音音姐與方伊琪指沒有特別為演出排練新舞步，音音姐指所跳舞步是從小學起，所以肌肉已經記熟，音樂一起便自然會跳，而音音姐笑指閒時打麻雀多，甚少跳舞。方伊琪指今次是一大班朋友開騷，感覺似朋友聚會開派對，問到兩人會否有合唱？音音姐笑說：「佢唱得咁好，我梗係要避一避。」原來兩人早於40年前已經認識同合作，但之後就未有再合作機會，直至今次先再一齊演出。

對於資深演員井莉離世，音音姐表示有收到消息，而彼此喺邵氏唔係同年代演員，所以較少合作機會，佢話：「當年我同佢住得好近，大家都住九龍塘，佢成日嚟我屋企唱卡拉OK，佢好活潑，講嘢好好笑，我已經講嘢好好笑㗎啦！佢仲比我仲好笑，佢講嘢陰聲細氣，好鍾意o氹人開心。」