不少像何女士一樣的中年婦女,可能早已享盡兒女福,偏偏她還要為生活操心。「我條命都唔知點解咁苦,老公已經唔好,仔女又咁樣,我真係唔知做人重有乜嘢意思。」說起半生孤苦坎坷,何女士不禁搖頭歎息。
自言嫁錯郎的何女士,丈夫原任職地盤雜工,為家庭經濟支柱,她閒時則當車衣女工幫補家計,生活尚算安穩。可惜其夫近年沉迷酒色,棄家人於不顧,何女士亦因年事漸高,且患長期疾病,無法工作,經濟漸陷困境。「我老公近呢一、二年都好少畀家用我,每次吵吵鬧鬧之後,頂多畀三、五百蚊我,根本就唔夠我同幾個仔女用。」
幾乎喊到眼都盲
何女士育有五名年齡介乎二十五歲至三十六歲的子女,長女及次女均已婚遷出,自顧不暇;三子患有輕度智障,莫說工作,連自理的能力也欠奉;四女則患有紅斑狼瘡、青光眼兼精神病,並有嚴重抑鬱,多次割脈自殺;么子則不幸誤入歧途,染有毒癮,這數名失業及患病的子女叫何女士傷心不已。
「我自己身體都唔好,有哮喘同風濕骨痛,呢幾年為咗頭家,都不知喊咗幾多次,幾乎喊到眼都盲。」年來何女士與三名子女只靠親友接濟度日,惟長貧難顧,加上其至親的胞兄月前逝世,令她連唯一的經濟依靠也失去。
何女士哽咽着說:「我大哥同大嫂都算唔話得,佢哋都幫我唔少,但大哥早幾個月肝癌死咗,大嫂話佢自己都有頭家,以後都幫唔到我,𠵱家我都唔知點算。」