梵蒂岡委任楊鳴章接替退休的湯漢，出任香港天主教教區主教。楊下午會見傳媒，被問到是否認同民間平反六四的訴求時，楊認為事件屬不幸，亦令他感傷痛，但形容自己是一個現實的人，「但我又係一個好現實嘅人，如果現在你係知道無法子做嘅嘢，你明知個幢係硬嘅牆，我係咪一定要撼頭落去呢？我唔係。」

不過，他稱至今仍認同當年參與學運的學生是值得支持，「好多人佢係無私地奉獻咗佢哋嘅一生，只係為咗要爭取人民嘅自由、平等權利、公正廉潔，我覺得如果呢個人佢所講嘅嘢、所寫嘅嘢，佢嘅一生係咁樣付出，我有無咩理由我唔支持佢呢？」

楊鳴章指上任後最重要的工作包括關注貧窮、被忽略的弱小社群；幫助破裂、受傷的家庭；讓長者感覺被需要和受重視；就年輕一代面對的不滿、憤怒，楊認為是社會造成，希望政府可專心聆聽青年的需要。至於香港應否有普選，他就稱希望已落下的閘可以重開，但認為並非易事。

被問到對特首林鄭月娥的評價，楊鳴章指對方是天主教徒，早在林鄭出任社署署長時已認識她，形容林鄭對明愛不錯，「我無理由唔同佢繼續來往」他稱自己尊重林鄭，因為「人梗係互相利用」，他期後解釋意思是要互相配合，但他拒將林鄭與梁振英比較，反指記者「畀個氹我踩。」

對於外界指指經常與高官、有錢人來往，楊承認是事實，但強調自己亦會為貧窮人士折腰，「如果有人幫到佢哋，我會為嗰啲人求佢哋。」被問到自身的健康是否會為他出任主教帶來挑戰，楊稱自己71歲才就任主教，承認健康「多多少少梗有問題」，強調一直有檢查身體，現時情況受控，但他稱經常要工作至深夜，過去3年都未有放假。