聖誕鐘,炒零售股,唔起眼但超抵買嘅,有寶光實業(084)。寶光主打眼鏡及鐘錶零售,兼透過知名連鎖店品牌「眼鏡88」及「時間廊」經營。單係2011年半年度(9月底止),寶光純利就急升咗9.9倍到5056萬銀。純利增長兼係業務帶動,冇水份,靚仔到爆。仲要咁睇,踏入下半年度,兼有多重節日,加埋零售暢旺,照計,寶光下半年度業績仲省鏡。係咁意計數,寶光2011年度純利上返1.2億銀,預期PE已經可以由家陣42倍,大降到8.7倍單位數。再講,落後超筍零售股,好似11月21號推介嘅先施錶行(444),股價短短一個月,最多追升咗1.5倍。呢轉主打嘅寶光亦一樣,唔起眼但超抵買,博資金埋身追落後,以寶光現價1.10元翻半番到1.65元計,目標價預期PE都係得13倍。