曾演出韓劇《順風婦產科》嘅51歲女星朴美善，噚晚意外遇上車禍，被送院檢查。

據韓媒《體育京香》報道，朴美善於韓國時間噚晚11點45分左右，駕車到自由路附近時，被涉酒駕嘅司機追尾撞到，發生三車相撞事故。報道引述車禍目擊者透露，朴美善喊住拜託他人幫忙報警，而急救人員接報到場後，將朴美善送到附近嘅醫院檢查，經過精密檢查後，幸好朴美善只係受咗輕傷，亦已經於今早出院。

而朴美善嘅所屬事務所表示：「當時朴美善停咗車等緊交通燈信號，突然遇上追尾意外，隨後送到附近醫院接受檢查及吊鹽水。目前朴美善已經返到屋企休息，行程中嘅話劇演出會如常進行。」

另外，據警方調查後，確認車禍原因係肇事司機顧住玩手機，並冇注視前方，已經排除司機涉酒駕嫌疑。

更多韓流，喺晒《娛果》
http://fb.com/appledailyent