剛於廣華醫院中醫診所覆診完畢的阿文一臉倦容,上樓梯時步速緩慢,顯得有點有心無力的樣子。
「𠵱家髖關節同埋膝頭哥個位時不時好痛,甚至試過痛到瞓唔着,醫生話我啲骨枯咗,係藥物嘅副作用。」四十七歲的阿文無奈地說。
去年四月初,阿文開始持續發燒及咳嗽,由於當時沙士已在社區爆發,阿文不敢掉以輕心,即時前往將軍澳醫院求診,醫生要他留院觀察,其後證實他感染沙士,並開始以類固醇替他治療,那時的阿文情緒極之低落。
服藥帶來副作用
「嗰時睇新聞,日日都聽到有人死,有時見到同房病友生勾勾,但係第二日已經唔喺度,令我覺得人命好兒戲,加上未證實啲藥有用,但又會有好多副作用,真係好驚。」阿文說。
阿文留醫接近一個月才出院,期間慶幸沒有重大的併發症。然而,出院後他才發覺藥物帶來的後遺症遠較沙士恐怖,不僅關節疼痛,就連心臟、肝臟、視力、記憶力以致心理方面亦受影響。