隔牆有耳:科大港大交換副校長 - 李八方

蘋果日報 2010/03/18 00:00


高教界音樂椅遊戲停不了,科大前首席副校長錢大康舊年底決定不續任,1月底俾港大羅致去做首席副校長,頂替退任嘅王于漸;事隔唔夠兩個月,科大「報仇」,挖番港大30年老臣子、現任副校長李行偉過檔,今年秋天到科大做副校長,負責研究及研究生事務。
水力專家李行偉1980年加入港大做講座教授,04年升任副校長,主管人力資源,港大指佢「制訂恒之有效管理制度」,李教授家仲有帶研究生。至於點解佢忽然離開服務咗30年嘅港大,有人話人望高處,有人指一山不能藏二虎。李行偉科大新職位原稱副校長(研究及發展),錢大康03年起做過三年。