運動員出身的朱鑑然，曾屬香港游泳代表隊，近年進軍影壇，先後參演《逆向誘拐》、《P風暴》、《獅子山上》及劇集版《無間道》，更升呢主演《Baby復仇記》殺入去年的東京國際電影節。私生活方面，朱鑑然去年被爆和墨西哥混血長腿女模盧慧敏（Amy）拍拖，日前《蘋果》發現他已另結新歡，和一名長髮女子逛宜家購買家品，疑似是同居築愛巢。

日前大約下午5點左右，記者目擊便服打扮的朱鑑然和一名穿黑衣的長髮女子在銅鑼灣逛宜家，二人均戴上口罩，非常專心選購毛巾、垃圾桶、杯架、收納箱等家具用品，女友似對貨品頗有要求，精挑細選，又不斷問朱鑑然意見，聽到她說：「呢個好唔好？邊個好啲?」

不過朱鑑然似是逛到有點疲倦，其間還除下口罩擤鼻涕，之後索性坐在堆滿地毯的貨架上休息，而女友繼續努力睇家品，最後買了幾個白色收納箱，付錢後離開時，朱鑑然才輕搭女友膊頭，但舉動不算親密。之後朱鑑然和女友經過維園向天后方向行去，曾一度拖手，繼而雙雙進入一幢住宅。

另外，朱鑑然經理人回覆《蘋果》，表示朱鑑然和盧慧敏去年已和平分手。

採訪、攝影：徐錦池、張明

-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》