周三（19日）第三場四班泥地1200米，「打鐵趁熱」今季成熟後表現比以往穩定得多，雖然未贏馬但走勢已山雨欲來，睇嚟目前44分水平，已經有能力反彈。

莫雷拉有啱啱夥拍贏馬嘅「喜勁驥」都放棄，足以反映「打鐵趁熱」好有卡士，試泥閘表現好，今勻仲要孭輕磅上陣，葉楚航為名聲仲要為跑數，戰意無限實砌盡！

第七場三班泥地1800米，都係揀莫雷拉嘅座騎，「大道至正」上場嘅跑法惹來各方嘩然，皆因同日有「為食格格」就係由佢走外檔後上掄元。

但「大道至正」就係走內檔塞死輸咗，但既然可以再次合作，睇嚟廐主已接受佢嘅解釋，今次一定鍊盡補飛，現評分有着數，決心走外檔追趕，應該可以幫匹馬打開勝門。

第八場二班泥地1200米，「牛角仔」接近90分連續跑三場草地都係得個近字，睇嚟再跑草地已經無乜着數，所以上場轉跑谷中都唔掂之後，今場毅然轉跑泥地。

呢匹馬同「翩翩」及「鵰神」同父，泥閘試四次得三勝一位，擺明合腳法，輸到夠有番啲賠率，有一檔之利又長期有上乘狀態，WP兼投實有銀收！