「軟硬」林海峰同葛民輝今日到維園年宵攤檔，幫麥當勞宣傳。軟硬話好多年冇行年宵攤檔，阿葛仲搞笑話：「估唔到呢度有人走埋嚟叫我捐錢保衞釣魚台。」林海峰就寫大字送俾小朋友，但佢啲字體幼細，佢就講有味笑話：「 似我身體某部份，極幼﹗ 」

鄭伊健同蒙嘉慧之前喺日本秘婚，但冇通知班好兄弟，當時阿葛曾笑言要同伊健「絕交」。事後伊健又笑笑口話﹕「好呀﹗佢實在太多嘢講喇﹗哈哈﹗」咁當然伊健係講笑，仲話同阿葛冇問題。

但今日問阿葛佢係咪已經嬲完伊健？佢就話：「 呢啲人見到就見，未收到通知叫我去派對，佢好鬼祟。 」咦，好似仲有啲嘢喎﹗另外，阿葛同曾傳緋聞嘅麥當勞高層黎韋詩雖然同場，但兩人保持距離。

想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/