股市旺番，維景酒店解封，似乎好事將會陸續有嚟。港人心情靚番，好應喺荷包攞少少錢出嚟，買條冷門過吓關，輸咗當做善事。今期主力推介西甲波，冇咗尼格度嘅艾美利亞要贏希杭好難，就以3.5倍D作膽。
講到西甲護級形勢，第10位嘅艾美利亞可謂穩陣到痺，咁啱呢周有入咗19個聯賽入球嘅首席射手尼格度因傷缺陣，就算主場出擊，都相信贏唔到希杭。客軍家陣排尾3，搏命護級就梗㗎喇，上周臨完場俾畢爾包迫和1:1，終於嘗試到今季首場和波滋味。要希杭作客全取3分就難啲，一於博冧莊再開D。

曼城「半勝」好分頭

曼市打吡方面，雖則曼聯爭緊聯賽冠軍，但偶然都有失準過；早前主場對熱刺，都試過半場落後0:2，冇話場場波由頭贏到尾。話晒呢場係打吡戰，曼城為face點都搏到盡，既然客隊個「半勝」有6.8倍咁好分，一試無妨啫。
祖雲達斯係畢傑至愛，點都有啲感情分，我博「老婦人」今晚作客AC米蘭不敗，事關以亞洲盤計，祖記近6場1走5輸，以一支勁旅嚟講，係時候追佢哋贏番一次盤；W我就唔敢講，3.25倍D同5.3倍「和/和」好路。
最後兩支齊齊歐聯4強出局嘅哀兵阿仙奴與車路士對撼，扒冷要晒「主/和」及「客/和」，各15倍。文：畢傑