自從優品360被質疑同北角福建幫有關，唔少激進示威者幫呢間零食店「裝修」。喺國際永勝（8441）上市儀式上，作為主人家嘅小巴大王罕有主動澄清，話同林子峰嘅生意合作已經係好多年前嘅事，現時一啲都唔熟，並再三強調自己係潮州人，唔係福建人。
另一邊廂，作為「香港福建希望工程基金會鑽石贊助人」嘅陳秉志，幾十年嚟都被外界視為福建人，更同林子峰喺唔同嘅投資項目拍住上。不過唔知點解，噚日佢唔認自己係福建人，話真正鄉下其實喺廣東南海佛山。
究竟佢哋有幾唔熟？今年1月優品360掛牌，兩位老人家都齊齊晨早起身撐林子峰場，畀面出席上市儀式。面對昔日「好友」割席，華華問林子峰有咩睇法，佢就話唔回應喇。
李華華
mailto:
[email protected]