德甲、法甲同埋西甲喺禮拜五晚不約而同都有一場單頭波，結果主場果三隊史浩克04、摩納哥同埋切爾達全部無波贏之餘，三場波居然都係打和收場，如果穿勻晒嘅話都幾和味！

史浩克04主場鬥利華古遜，雖然喺34分鐘由哥列斯卡先開紀錄，但客隊嘅前鋒里安拜尼喺61分鐘追平，兩隊踢成1:1完場。法甲嘅獨腳戲都係同樣嘅賽果完場，摩納哥嘅法卡奧喺38分鐘幫主隊先開紀錄，值得一提嘅係，呢個已經係佢今季第12個聯賽入波，真係弗到爆。可惜嘅係，摩納哥踢到完場前先失守，喺90分鐘俾蒙彼利埃嘅蘇利文尼卡馬拉追平，錯過咗升上榜首嘅機會。

不過講到最激果場，就肯定係西甲切爾達對基羅納呢一場。切爾達今場試過兩次領先，又試過一次落後，最終同基羅納踢成3:3。根據賽馬會足智彩嘅賠率，史浩克04（3.35）、摩納哥（4.55）同埋切爾達（3.55）三場「主客和」入面嘅和波賠率認真唔錯，穿勻嘅話都可以都真係可以過返個快樂中秋呀！