明晚（26日）第二場四班1650米，「火百合」於谷草找到新出路，兩戰同程共獲一亞一季全上名，今次續配人馬合作五次取得兩亞一季一殿的李寶利，機動跑法之馬可作複膽。

「珍珠鳳凰」今次突然轉跑谷草，查苗禮德馬房今季40次角逐同程，當中19度入前四，48%入前四的百分比相當不俗，可作為另一馬膽。

配腳三隻，何澤堯季內谷草1650米成績優異，68次上陣錄得41駒入前四名，成功率達六成，加上「神速寶」屬賀賢新勝馬，馬房季內新勝馬18匹再出，15駒入前四，入圍率達83%，當然拖埋。

杜美爾與告東尼合作雖未贏馬，但八匹座騎共有四匹入前四，當中谷草兩戰更全數入Q，「鑽石達人」亦要提防。

最後一隻就係同程識贏、今次排檔係季內最好一次嘅「君子承諾」，以72注出擊。

第四場四班1200米，「牛精大哥」同程五戰取得一冠三亞一季；「天地人」六戰則取得兩冠一亞三殿，呢兩隻同程未甩前四名嘅馬，會係今場複膽。

配腳四隻，利敬國與沈集成近期合作頻頻得手，查季內騎練同程五匹20倍以下合作馬，共有三匹入前四名，「理想回報」檔位雖一般，但都要拖埋。

再揀同程曾跑得接近的「王者奇兵」、上仗有復蘇走勢於此程得第四的「善傳千里」及喘鳴手術後兩次一千米追入第四，今次增程嘅「哈蝦王旺」，以144注攻堅。

-----------------------------
7月4日起 《蘋果動新聞》只限升級壹會員閱覽
繼續撐蘋果！