一身黑衣打扮的藝人阮民安(Tommy)亦手持燭光,現身維園。他指,六月四日是30年來風雨不改的約定,「一日條氣未斷一日都要撐落去」,故今日自己早早便來到,希望藉此呼籲香港人出來表達訴求:「話畀中共及國際聽,香港人冇因為任何打壓而退縮。 」Tommy又指,每一位願承受風險、敢於走出來的人,都值得尊重及支持,亦相信今晚六四只是一個開始,希望未來6.9、6.12、7.1等日子,香港人都會堅持信念,「為香港一班走咗嘅手足悼念」。
他強調中共明顯會以強硬的手令港人臣服,「今次可能係六四,下次可能係6.9或者係6.12」,「佢哋會想將呢啲香港人烙印得好深嘅日子,一個一個咁消失」,但他深信港人經歷大半年的反修例運動後十分「硬淨」,不會輕易屈服。阮坦言,明白部份港人對議會感到失望,但笑言「霸咗(議席)先,總好過冇」,強調應將立法會選舉當作抗爭運動的其中一個支線,「總唔能夠覺得佢冇用,就架空成個立法會,結果俾保皇黨攞晒啲議席,到時就仲大鑊」,指街頭及議會抗爭與國際線要結合,真正做到遍地開花。
-----------------------------
打國際線 《蘋果》英文版免費試睇
按此了解更多 英文版已登錄新版《蘋果》App
按此下載/更新 -----------------------------
【六四31】 專頁
毋忘初心 悼念英魂
結束一黨專政
-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體(中文)」大獎
-----------------------------
App內1-Click訂閱《蘋果動新聞》
按此了解更多