當年今日
關於我們

【鄭雨盛稱帝】孫藝珍憑《沒有秘密》三度封影后

蘋果日報 2016/11/10 19:30

鄭雨盛孫藝珍沒有秘密阿修羅釜山影評獎

釜山電影評論家協會嘅7名評委,早前對去年10月至今年9月上映嘅電影作品進行審核,並於今日公佈《第17屆釜山影評獎》嘅得獎名單,女星孫藝珍再憑韓片《沒有秘密》獲頒最佳女主角,今次係繼《第25屆釜日電影獎》及《第36屆韓國影評獎》之後,佢第三度憑電影封后,而影帝殊榮就由鄭雨盛憑《阿修羅》獲得,頒獎禮將於下月2號喺Busan Cinema Center舉行。
而女新人獎就由《下女誘罪》嘅金泰璃獲得,不過男新人獎方面,協會表示因為喺審核基準上仍有問題,所以經過評審長時間嘅討論後,決定唔揀出得獎者,而最終大獎就由《沒有秘密》獲得。