「肥哥哥」劉錫賢同陳煒老友鬼鬼，對於煒哥5年前離婚一事，肥哥哥話完全唔知情，佢今日接受《蘋果》電話訪問時話：「佢去咗TVB之後大家各有各忙，少咗聯絡，聽到呢個消息真係好驚訝。我哋雖然老友，但大家好少講私人事，所以真係唔知，仲好記得當年佢結婚，喺我哋眼中係金童玉女，好相襯，聽到呢個消息真係覺得好可惜，但呢個始終係佢個人決定。」

咁同煒哥份屬老友嘅蔡國威，今日接受傳媒訪問時就話：「好驚訝，一直冇聽過，完全唔知。上星期我喺公司見到佢，佢仲好開心冇異樣。無論點樣，作為佢朋友，我都會支持，希望佢活得開心。」