亞視「六合彩之子」蔡國威近來認真黑仔，月初佢放喺床頭嘅插頭充電器，突然發生爆炸，而當時佢個頭只係同充電器僅離開一呎左右，幸最好個人冇事。

點知噚晚佢綵排亞姐總決賽時，又發生意外，事緣蔡國威BB今日凌晨一點，現身浸會醫院，佢喺網上解釋原來噚晚為亞姐總綵排時，不慎被鎅刀割傷手指（哇﹗諗起都痛!），而且傷口甚深，當堂血流如注。

完成綵排後，蔡國威BB就即去醫院清洗傷口及打針，最後醫生幫佢縫咗四針，蔡國威BB慨嘆：「最終在醫院縫了四針,人生第一次,原來是這樣的...雖然傷口在痛,但有了大家的關懷和慰問,就好像吃了止痛藥,大家都很有愛,謝謝你們,加油,我上班去」

祝蔡國威BB早日康復，小心處理傷口呀﹗