密密換畫的混血名模AnaR.，近日又有新男伴，她前晚被發現與商界新歡到KeeClub出席派對，非常風騷。AnaR.拍拖前先和楊愛瑾（Miki）在九龍灣出席商場活動，昨日又與陳敏之、諸葛梓岐及LisaS.等在尖沙嘴行騷，事業愛情順風順水。
AnaR.前晚甜笑說：「這幾天都有約會，很開心。」問到可是與新男友約會時，保護戀情的她說：「我們仍是朋友，我希望有一打人約會我，但現在也很好，他很高，我可以穿高跟鞋。」

Miki食木瓜豐胸

穿D&G露背裙的Miki則透露日食一個木瓜，努力增肥豐胸，她說：「我太瘦，啲男仔唔鍾意，同埋家着衫好似着啲童裝咁。」
此外，昨日與AnaR.同場行騷的陳敏之近日不斷賺外快，笑言幸好未受金融海嘯影響，她說：「今年都多咗好多行騷機會，亦都冇乜嘢俾人壓價，算好好彩。」她自言目前積極儲錢置業，她說：「之前買過一層都賣咗，賺咗少少都畀晒媽咪，所以想再買，睇吓到時自住定投資，不過仲儲緊首期。」
對於近日無綫傳再度裁員更涉及幕前藝員，陳敏之說：「可能會安排第二啲工作畀佢哋，呢啲係公司決策，我哋都冇得畀意見，總之做好自己本份，唔擔心得咁多。」
早前與男友到日本旅行的諸葛梓岐則謂此行大出血，問到其男友有否出手相助時，她說：「向來都冇畀錢，我目標係養得起自己。」
採訪：王崇穎、羅慧敏
攝影：陳慧安