韓國6人女團A Pink本月14號遭男粉絲死亡威脅，該名男粉絲威脅話要用刀捅死A Pink成員，警方得知情況後更安派警員護送A Pink返屋企。而即將推出新碟《Pink Up》回歸樂壇嘅A Pink，今日受到第二次威脅，據韓媒指曾威脅殺死A Pink成員嘅該名男狂迷，今早打電話到A Pink所屬事務所，表示會喺今日舉行嘅新碟Showcase上放置炸彈，企圖炸死A Pink成員，引起外界關注。

A Pink方面及後報警處理，警方出動特攻隊到舉辦Showcase嘅場地、位於合井洞嘅FANSQUARE搜查，目前冇任何發現。而A Pink方面指：「警方派出特攻隊進行搜查發現冇可疑，所以A Pink今日嘅新碟Showcase會繼續進行，而場外亦會加強保安，甚至有警察巡邏，以確保有冇可疑人物。」續指：「今次嘅恐嚇犯與上次恐嚇將殺害Apink嘅男子為同一人，在上次嘅恐嚇事件之後，該名男狂迷持續進行多次恐嚇。警方表示該男子身處加拿大，目前已投入相關調查中。」

約香港時間3點，新碟Showcase如常進行，A Pink晒腿現身。