六月開始的整場反《逃犯條例》修訂運動，法律界一直擔當重要角色，短短三個月內兩度為「送中惡法」建議的修例破壞法治上街，作為業界代表的香港大律師公會亦多次就送中條例提出意見，政府卻對法律界的聲音聽而不聞。向政權進諫不果，兩名法律界代表轉攻地區，多次代表抗爭者的大律師劉偉聰有意於又一村對撼自由黨李梓敬，而大律師公會憲法及人權事務委員會委員黎學謙則擬於寶馬山決戰自由黨阮建中。法庭之內，兩人以法律挑戰社會不公；區選戰場，他們勢以民意擊潰極權。

記者 陳嘉裕

現年51歲的劉偉聰1993年港大法律學系畢業，同屆同學有公民黨立法會議員陳淑莊。劉畢業後曾短暫加入警隊擔任見習督察，又曾任自由黨前立法局議員李鵬飛的助理，至1996年才成為執業大律師。近年他主要處理刑事案件，不時為政治檢控的疑犯擔任律師代表，包括「以胸襲警」案的吳麗英及被控暴動罪的莫嘉濤，近月他亦在反送中運動為被檢控的市民擔任法律代表。

劉偉聰自言是香港起飛的既得利益者。父母是藍領，小時住公屋，公開試成績好而考上港大法律系，踏入社會後一直以法律知識回饋香港：「我喺發展過程中得到好多嘢，而家係時候做返應該做嘅事」。秉持「莫以善少而不為」的理念，過去17年住在九龍塘又一村的他眼見到當區議員、經常發表出位言論的自由黨李梓敬有機會自動當選，隨即考慮參選，「我能夠做嘅嘢係喺安全嘅大後方，而落到社區做任何事務，對我嚟講都係安全、我負擔得起……但我同前線嘅年輕人﹙的付出﹚係無得比」。

作為反送中運動後首次的一人一票選舉，劉偉聰認為今次區選別具意義，「（經歷反送中運動）大家都知道，一個地區之所以好定唔好，一定要睇大局、一定要睇香港好唔好」，他認為香港出現刻下景況，全因建制派壟斷議會：「林鄭政府之所以咁囂張跋扈、一意孤行，簡單講，係因為由區議會到立法會（建制派）都拎到大多數嘅票，因此唔需要聽人民聲音。（只係）講五大訴求係無用嘅，要重奪各級議會、重奪人民應有嘅議席，踢走保皇黨」。

有人以為他空降參選，事實是他與又一村早有淵源。40多年前在又一村幼稚園畢業，17年前又重回故地成為又一村居民，自言與社區「有好強連繫」，亦認為自己較對手更接地氣，對選情非常樂觀：「經歷咗呢個夏天嘅事情，整個香港嘅人已經覺醒咗，我唔係對選情樂觀，而係對香港樂觀」。

這邊廂有法律界老前輩因為受反送中年輕人感動而考慮出戰，另一邊廂亦有法律界新丁擬在東區寶馬山披甲。30歲執業大律師黎學謙在香港土生土長，雖然一直留意時事，直至反送中運動始令他投身政治：「我見到好多香港人都好努力去關心香港，自己出街見到咁多人（反送中），成個畫面好感動，自己就會覺得，我其實自己係咪可以做啲嘢呢？」，故此考慮先從社區服務做起。

政府無視大律師公會的反送中惡法的意見，黎學謙直言是參政的導火線。身為公會憲法及人權事務委員會委員，黎在今年2月知悉政府有意修訂《逃犯條例》，當時與其他委員以法律角度研究條例的可行性，他深明條例通過後，香港的司法制度將會大打折扣，不論經濟和港人的人身自由都會受影響，政府卻沒有採納公會任何意見，只就商界的建議作出修訂。

他認為，政府無視民意皆因議會制度不彰：「有時候官員同議員，都只係盲目地撐政府或者反政府，建制派盲目咁支持政府，有啲人都話民主派盲目咁反政府，我覺得（參政）唔係淨係睇係撐政府定反政府，而係應該對件事深入分析，對香港有咩影響」。他狠批林鄭作為特首拒絕回應市民訴求：「我唔想理你﹙林鄭﹚背後有咩原因，但你作為香港特別行政區行政長官都有責任，見到呢排咁多事情發生，點都好都應該對香港市民有個交代，而唔係用其他任何原因避咗佢」。

黎學謙認為大律師的訓練令他在地區服務事半功倍，「做大律師都係捍衛一個人或者財產權益」，如協助居民解決寵物空間、交通規劃等問題，憑經驗也可盡快為街坊尋求解決方法。自由黨邵家輝2008年起出任寶馬山區區議員至今，僅在2007年被公民黨老元浩挑戰，邵以243票險勝，之後兩屆自動當選。有指邵當選立法會議員後工作繁重，新一屆有意交棒黨友阮建中，料在新舊交替下，黎學謙有望突圍。

-----------------------------

10.1國殤遊行

日期：10月1日（星期二）
時間：下午2時
地點：維園集合起步往遮打道
註︰警方正式發信反對

主辦︰民間人權陣線
-----------------------------
【撐學生】
召集有心人 撐學生全年睇《蘋果》
立即按此
-----------------------------
百日特刊記載香港人逆權之路
《逆權百日》
《自由之夏》
-----------------------------
《囚牢之疆》 專頁
揭開集中營邪惡面紗
今日新疆 明日香港