黃心穎今日喺九龍灣出席Hello Kitty活動，大會安排一位小朋友版「馬明」現身，仲好熱情咁親吻心穎嘅面頰，冧到爆嘅心穎笑住話：「你後生咗咁多嘅？你唔係天然呆喎！」之後心穎獻唱《小幸運》。提到佢以低胸露腰示人，心穎表示終於可以露少少腰，咁要唔要畀男友馬國明過目呢？佢話：「冇呀，我有時裝品味。」

心穎指自己係「Hello Kitty迷」，佢喺加拿大讀小二嘅時候，經常儲起零用錢，儲夠5蚊加幣就買筆，後來間中跟家人返香港，佢會喺香港買好多Hello Kitty物品，然後拎返加拿大賣畀同學，佢話：「我就可以賺一筆，然後買自己鍾意嘅嘢。」問佢0依家係咪由「貓」轉咗鍾意「馬」？佢笑住話：「我鍾意車，我唔介意供樓供車。」同馬國明情侶車？佢話：「唔需要，不過可以交換車揸。」