當年今日

  鄭家富畀湯家驊霸頭位 - 李八方

蘋果日報 2004/05/19 08:00


中國當中英聯合聲明冇到,人大常委監粗「釋法」,係都要控制番特區嘅局面,盡全力防止民主派取得一半議席。
喺咁險要嘅形勢之下,民主派如果再唔團結,就冇晒前途,所以最近有消息話除咗港島之外,不少民主派中人,都希望各區可以協調到一張鑽石名單,等大家可以集中力量同左派陣營決一死戰。
聽聞新界東已有啲眉目,民主黨鄭家富雖然喺多次民調中排頭位,但係為咗成存大我,阿富願意犧牲,讓人氣急升嘅湯家驊排頭位,資歷比佢深嘅卿姐排第二,佢同民主黨嘅兄弟黃成智以及范國威就排三四五,至於蔡耀昌排第幾亦可以再傾。
八方問富仔傳聞有幾真?佢話暫時冇乜好講,反正一切仍在協調中,變數不小,民主黨內部都未有定案。
大敵當前,廣大市民都希望民主派停止內鬥,學吓民進黨,一致對外,因為一要分隊分票,就好容易畀對手有機可乘,肯定唔係上策。



傳真︰2623-9278
電郵︰[email protected]