【照顧患癌妻】林子博效力11年遭無綫請食無情雞 受雙重打擊
蘋果日報 2019/09/28 17:40
無綫林子博平滑肌肉瘤
【新增內容】
無綫娛樂新聞台主播林子博的太太Shirley，數個月前發現患上極罕有癌症「平滑肌肉瘤（腹腔）」，並已進入第四期，而癌細胞更擴散到肝臟、胰臟、肺部和淋巴等身體多處，現正接受化療。正當林子博陪太太努力抗癌之際，竟接獲無綫請食「無情雞」，《蘋果》今日收到消息，效力無綫11年的林子博，下月1日約滿無綫，但近日他收到無綫通知指公司將不會跟他續約，對林子博而言絕對是雙重打擊，雪上加霜。
一位知情人士向《蘋果》爆料說：「其實娛樂新聞台係想子博留低，幫佢渡過難關，所以監製幾個月前同子博講，佢約滿會繼續用佢，所以子博諗住公司會同佢續約，點知公司開完會之後決定唔簽佢踢佢走，子博對仔女仲細（大女14歲、細仔10歲），佢太太又有cancer，知道之後梗係好徬徨啦！被無綫炒魷呢件事，子博都有同太太講，佢哋一家人惟有見步行步喇。」《蘋果》致電子博，求證他是否不獲無綫續約一事但子博表示不作回應。
之後記者再致電林子博，他終承認不獲無綫續約說：「係，我下個月1號約滿，公司決定唔同我簽約，我冇問公司發生乜嘢事，亦都冇諗過點解佢哋咁做，我第一時間只係諗：『我可以去邊度？』相信我就算問公司點解，佢哋都唔會簽返我，一間公司，如果你阿頭（指娛樂新聞台監製）認頭話要你，有用家但公司唔會簽，我相信問嚟都冇用。」問可有告訴太太時，林子博說：「我同個仔講先，個仔叫我唔好講畀媽咪知，擔心會影響媽咪病情，叫我『扮返工』呃媽咪，但我話我日日要陪媽咪打針去醫院，根本呃唔到......我老婆知道呢件事之後好唔開心，爆喊，冇諗過自己啱啱因為健康問題冇咗份工，跟住會輪到個老公，我同佢講，自己有手有腳，總會搵到嘢做嘅。」
有傳他曾於社交網發表黃絲言論而不獲無綫續約，林子博說：「我都好少講呢啲，都係講吓仔女同民生嘢，例如起條橋咁貴之嘛。」據知ViuTV已向林子博招手，林子博表示有機會合作當然開心：「但如果去ViuTV再做娛樂新聞係會尷尬，因為TVB監製搵我做娛樂新聞，本來仲話加我入工，對我好好，冇理由去第度再做娛樂新聞，所以希望有機會嘅話可以做吓其他節目。」
採訪：小米、魯吉
（資料圖片）
林子博太太Shirley患癌，早前才入過醫院接受治療。（資料圖片）
要兼顧家庭和事業的林子博，日前帶着囝囝去買餸。（資料圖片）
林子博與太太Shirley結婚16年感情要好，不時在社交網晒恩愛。（facebook圖片）