自稱患腦癌、鼻咽癌的老千警察Eric，早有扮慘呃錢前科，除了身患絕症，曾自稱中風、父母過身及兒子重病等，分別向素未謀面的網友或舊同學借錢，一邊借錢，一邊過着豪飲及爛賭的生活。Judy逐一向Eric的Facebook朋友查詢，才得知自己並非唯一受害人，就連Eric妻子的親姐亦斥Eric是害人精，「每個認識佢嘅人都被騙！都被害得好慘。」

記者：龔蕙芝

記者曾到訪大話警察Eric妻兒曾居住的屯門警察宿舍單位，但估計他們已遷出，單位內傢俱則仍未搬走。但Eric妻子的姊姊回覆Judy查詢，指家人已和Eric失去聯絡，言詞間對他恨之入骨，「呢個係一個PK，害人精，大家都俾佢害得好慘。」又建議Judy報警。另有舊同僚亦勸她報警，更若有所指：「報警拉佢你就知咩一回事。」

據知，Eric慣以在網上搜尋獵物，網友L向Judy指，2018年4月Eric從網上結識她，透露工作遭上司針對而致中風，又指兒子有病需向她借錢，最後L拒借而沒再聯絡；Eric舊同學M就透露，他借錢的藉口層出不窮，「一時仔有病，一時父母過身」。曾有舊同學借出數千元，追討無門，「佢哋唔追啦，話當做帛金。」

被騙財的事主多數沒報警，「借錢，警察不受理啦。」其中一名遭騙5、6萬元的事主指，Eric一直使用太空卡，又不時轉換電話號碼，「佢應該係專業老千啦，好識捉人心理。」被騙前，事主感覺Eric闊綽，「一嚟會開2千蚊嘅酒，飲酒時賭波，會1千、1千咁買。」她亦是Judy聯絡後，才知有多人受騙，「唔怪得佢咁豪爽啦，啲錢都唔係佢。」

----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568