「事發時我只係行入房睇部電話,前後唔到1分鐘,好突然!」牛頭角彩德邨爺孫墮樓慘劇,BB爸爸鄧先生接受《蘋果》訪問,講述事發時BB坐在車仔玩,不消一分鐘,喪父亡子是錐心之痛。
他形容父親是顧家好男人,即使年屆68歲,仍希望能找到地盤工作,為兒子減輕生活負擔和壓力,「無奈佢接受唔到自己年紀大嘅事實,搵工唔容易!」父親近日不時提及「唔想做人」,估不到真的發生悲劇。
鄧先生坦言,BB的出生原本是全家的「開心果」,父親更高興不已:「佢(父親)好錫BB,真係錫到燶,事事以BB為先。」就連舅仔蔡先生亦十分認同:「記得有次佢中咗馬,中咗3萬幾蚊,佢自己一毫子都唔捨得用,全部用嚟買嘢畀BB。」